"كتير صعب يكون عيد ميلادي قبل بيوم من التاريخ يلي خسرتك فيه".. خطيب شهيدة المرفأ يستذكر حبيبته: باللحظة اللي غبتي فيها انطفت شموع عمري!

لبنان ON | | Monday, August 2, 2021 1:47:00 PM

4 آب، تاريخ حفر بقلوب اللبنانيين ذكرى مؤلمة ومفجعة للتاريخ. دُمرت بيروت، سقطت المنازل، انهدمت الشوارع، وخسر لبنان ابطالا. مشاهد ولحظات مؤلمة لا تزال راسخة في اذهان الجميع، ودموع لم تنشف مع مرور عام.

يصادف يوم غد 3 آب، عيد ميلاد خطيب شهيدة فوج الاطفاء سحر فارس. وبكلمات مؤثرة، روى خطيب "عروسة المرفأ" سحر فارس جيلبير كرعان عبر حسابه على انستغرام مدى كرهه اليوم لتاريخ عيد مولده خصوصا وانه قبل ساعات فقط من خسارة حب حياته.وتوجه جيلبير إلى ملاكه وكتب:

"سحوّرة
قرّب ٣ آب ، عيد ميلادي، التاريخ يلي ماكان يعنيلي شي و انت كنتِ تضلك مصرّة انو تحتفلي في من قبل بجمعة ، كنتي تفاجئيني و تعمليلي مش عيد بس ، كرنفالات لهيدا النهار، كنت قلك سوسو هالنهار ما بيعنيلي ابداً وانت تردّي معقول تاريخ ميلاد الغالي يقطع هيك !
مكنت حب هالنهار من قبل ما اخسرك، هلق صرت اكرهوا كره، كتير صعب يكون عيد ميلادي قبل بيوم من التاريخ يلي خسرتك فيه وخسرت كلشي كلشي ، ما انت كلشي كنتِ"
بعد كم يوم ٤ آب بصرلك سنة غايبة يا حنونة، ٣٦٥ يوم كأنهم ٣٦٥ سنة، ٣٦٥ قرن
بالذكرى الأولى بدي قلك انو ما رح نهدا حتى ناخد حقك انت و رفقاتك
بالذكرى الأولى رح قلك انك كنتي حياتي و قلبي و فرحتي بالحياة و رح تبقي للأبد

بدي اطلب من كل المحبّين ما حدا يعيّدني بي ٣ آب، بدي اطلب من الكل بدل ما يعيّدني يضوّي شمعة و يصلي عن روح خطيبتي البطلة سحر فارس ملاك كل بيت
باللحظة يلي غبتي فيها انطفت شموع عمري ، بقلبي و عقلي لآخر نفس يا كل العمر
بحبّك كتير و اشتقتلك اكتر يا حنونة ".

وارفق النص بفيديو مؤثر للعيد الاخير الذي أمضاه وسحر العام الماضي قبل استشهادها.

 

 
 
 
View this post on Instagram

A post shared by Gilbert Karaan (@gilbertkaraan)

| انضم الى قناة "Lebanon On" على يوتيوب الان، اضغط هنا

الأكثر قراءة