كشف الإعلامي اللبناني نيشان لأول مرة تفاصيل عن تكفّل الفنان السعودي راشد الماجد بدراسته للماجيستر في سويسرا قبل سنوات.

وفي التفاصيل، وخلال حلول النجم السعودي ضيفاً على برنامج نيشان الجديد "جلسة عمر"، قال نيشان “بدي خبرك سر”، ليرد راشد “طفوا الكاميرا”، وأكمل نيشان حديثه: “سر مع الناس بدي أتشارك هالجزء من حياتي مع الناس كنت مقرر إنه اذا الله جمعنا بلقاء خبره".

وتابع: “سنة 2011 يا جماعة أخدت إجازة من التلفزيون mbc حتى آخد شهادة ماجستير تانية، اتصلت وقتها براشد قلتله بدي سافر ع سويسرا آخذ شهادة ماجستير في فلسفة الاتصال والتواصل، ولأنه أخ وصديق قلتله بتعرف هالقسط كتير غالي، قلي روح ادرس وذاكر صح".

وأضاف نيشان: “بذكر تماما بعد بأسبوعين سافرت جنيف رحت الجامعة ادفع القسط لقيت القسط مدفوع، بعدها بفترة أخدت اتصال برايفت بسمع صوت راشد ها كيف حالك دغري ربطت أنه الي دفع القسط”.

وأكمل حديثه: “قلي راشد أدرس عني وعنك كم أعلى علامة قلتله 10/10 أنا تخرجت 4/4، واليوم إجت الوقت قول أنا ممتن لأنك بتدعم بغية النجاح وهدا الشي حبيت شاركه مع ملايين المتابعين بكل تقدير وامتنان”.